Tele2 baılanys operatory Almatyda óz jumysyn bastady
ATY. 28 mamyr. QazAqparat /Ádilet Musahaev/ - Tele2 baılanys operatory búgin Almaty men Almaty oblysy boıynsha óz baılanystaryn iske qosty.
Tele2 Qazaqstannyń uıaly baılanys naryǵyna 2010 jyldyń naýryz aıynan bastap kelgen. 2011 jyldyń sáýir aıynda bul baılanys alǵash ret Aqtóbe qalasynda iske qosylsa, keıinirek Batys Qazaqstan oblysynda jumys isteı bastady.
"Búgin bizde erekshe kún bolyp otyr, óıtkeni bizdiń úırenshikti uıaly baılanysymyz taǵy bir jaǵa operatormen tolyqty. Biz baǵasy arzan baılanys túrin kópten kútken edik, endigi ýaqytta jurtshylyqtyń yńǵaıly baılanysqa qoljetimdiligi artady dep oılaımyz", -deıdi Almaty qalasy ákiminiń orynbasary Serik Seıdýmanov.
«Tele2 Qazaqstan» Basqarma tóraǵasy Andreı Smelkovtyń aıtýynsha, Qazaqstandaǵy uıaly baılanys túri basqa eldermen salystyrǵanda óte joǵary. «Biz barlyq ońtaıly tájirıbeni jınaqtaı kele ony Qazaqstanda paıdalanýdamyz. Bizdiń basqa baılanys operatorlaryna qaraǵanda kóptegen basymdyqtarymyz bar. Ol baǵanyń tómendigi, baılanystyń sapasynyń joǵarylyǵy jáne basqa da qosymsha múmkindikterimiz bar», -deıdi Andreı Smelko.
Almatynyń ár aýdanynda atalǵan baılanys operatorynyń 5 fırmalyq salony ashylady. Sonymen qatar qaladaǵy «Astana» alańynda, «Maksıma», «Promenad», «Sıtı Plıýs» saýda ortalyqtary men «Atakent» kórme ortalyǵy mańynda Tele2-niń qosý núkteleri jumys isteýde.
Tele2 erteń Almaty men Almaty oblysyna, al bir aptadan keıin maýsymnyń 4 kúni Astana men Aqmola oblysy boıynsha iske qosylady.
