Tele2 abonentterine mobıldi antıvırýs usyndy
Óz abonentteri úshin operator ESET NOD32 Mobile Security óniminiń arnaıy nusqasy - Mobile Security Tele2 ónimin iske qosady. Bul qyzmet ázirge Android OJ-men jumys isteıtin qurylǵylar úshin ǵana qoljetimdi. IDC statıstıkasy boıynsha, 2017 jyldyń birinshi toqsanynda óndirýshilermen satylǵan smartfonardyń 85%-y osy platformada jumys isteıdi.
Bul rette, mobıldi qurylǵylarǵa shabýyl jasaıtyn zııandy baǵdarlamalardyń 99%-ǵa deıingi mólsheri dál osy Android platformasyna baǵyttalǵan. ESET derekteri boıynsha, 2017 jyly aı saıyn 300-ge deıin jańa Android qaýpi paıda bolady eken. Bopsalaýshy-baǵdarlamalardyń osy platformaǵa arnalǵan nusqalarynyń sany ótken jylmen salystyrǵanda 436,54%-ǵa ulǵaıǵan.
Qaskúnemder kóp jaǵdaıda Google Play qaýipsizdik júıesin aınalyp ótip, alańshada zııandy qosymshalardy taratady. Sońǵy oqys oqıǵalardyń biri retinde resmı dúkende bank troıany men tyńshylyq BJ-nyń paıda bolýyn keltirýge bolady.
Endi Tele2 abonentteri ESET NOD32 Mobile Security (Mobile Security Tele2) arnaıy nusqasyn tegin júkteı otyryp, Android platformasyndaǵy mobıldi qurylǵylaryn qorǵaı alady. Ónimniń ınterfeısi planshetter men smartfondarǵa beıimdelgen.
Mobile Security Tele2 smartfondar men planshetterdi zııandy baǵdarlamalardan, sonyń ishinde buryn beımálim bolǵan jańa qaterlerden qorǵaıdy. Ónim qurylǵyny vırýstardan tekserý úshin skanerleýge, zaqymdanýdyń nemese áleýetti qaýpi bar qosymshalardy ornatýdyń aldyn alýǵa múmkindik beredi. Urlanǵan nemese joǵalǵan qurylǵyny izdeýge kómektesetin «Antıury» fýnktsııasy qoljetimdi.
Qurylǵyny barynsha qorǵaý úshin abonentterge - paıdalanýshynyń mobıldi shotynan shyǵynǵa jazylatyn shaǵyn abonenttik tólemi bar Mobile Security Tele2 keńeıtilgen nusqasyn ornatýǵa keńes beriledi. Bul nusqa «Antıspam» fýnktsııasyn jáne basqa da paıdaly múmkindikterdi qamtıdy.
«ESET TMD elderindegi, sonyń ishinde Qazaqstandaǵy baılanys operatorlarymen birinshi jyl yntymaqtasyp otyrǵan joq, - deıdi Alekseı Kosıchenko, ESET Russia damý departamentiniń dırektory. - Ónimdi Tele2 abonentterine beıimdeý úshin biz buryn iske qosylǵan jobalardyń tájirıbesi men áriptesterimizdiń qalaýyn eskerdik. Mobile Security Tele2 qorǵaý boıynsha bazalyq qajettilikterdi tolyǵymen jabady, al mobıldi ınternettiń asa belsendi paıdalanýshylary keńeıtilgen nusqasyn tikeleı qosymshadan ońaı belsendi ete alady».
ESET NOD32 Mobile Security (Mobile Security Tele2) ónimin Google Play qosymshasyndaǵy ónimniń betinen ornatýǵa bolady.