Tel-Avıvten Venaǵa ushqan ushaq jarylys qaýpine baılanysty shuǵyl Sofııaǵa qondy
ASTANA. KAZINFORM — Tel-Avıvten Venaǵa ushyp shyqqan Austrian Airlines ushaǵy Sofııaǵa apatty túrde qondy. Jolaýshylar evakýatsııalanyp, áýe kemesin tekserý bastaldy, dep habarlaıdy Kazinform DW-ge silteme jasap.
Áýe kompanııasy jarylys qaýpi týraly habarlamanyń bolǵanyn rastady.
Tel-Avıvten Venaǵa ushyp bara jatqan Austrian Airlines-qa tıesili Airbus A320 ushaǵy 18 qazan kúni, jeksenbi keshinde Sofııaǵa apatty túrde qondy. Áýe kompanııasy Aýstrııanyń APA aqparat agenttigine jarylys qaýpi týraly habarlanýyna baılanysty Bolgarııa astanasyna shuǵyl qonyp, «ushaqty tekserý júrip jatqanyn» málimdedi. Bortta 51 jolaýshy jáne alty ekıpaj múshesi bolǵan.
Flightradar24 málimeti boıynsha, ádettegi baǵytymen ushyp bara jatqan ushaq Rýmynııanyń ońtústigine jetken tusta kenet burylyp, Sofııaǵa qonǵan. Úsh saǵattan keıin áýege kóterilip, 19 kúni Venaǵa qonǵan.
Laınerdi Bolgarııa ÁÁK joıǵysh ushaǵy kúzetip otyrdy.
BAQ-tyń habarlaýynsha, ushaq Bolgarııanyń ústinen ushyp bara jatqanda «jarylys qaýpi týraly sıgnal» túsken.
Bolgarııa bıligi Sky News arnasyna laıner Sofııaǵa qonǵanǵa deıin Bolgarııa áýe kúshteriniń joıǵysh ushaǵy kúzetip otyrǵan. Áýejaıda barlyq jolaýshy ushaqtan túsirildi.
Eske sala keteıik, buǵan deıin Dýbaı – Tel-Avıv reısi borttaǵy keleńsizdikke baılanysty shuǵyl Saýd Arabııasyna qonǵan bolatyn.
