Tel-Avıvte «Eurovision-2019» bastaldy
NUR-SULTAN. QazAqparat - Tel-Avıvte «Eurovision-2019» baıqaýy ashyldy, dep habarlaıdy QazAqparat.
Konkýrs qatysýshylary men delegatsııalar saltanatty rásimde qyzǵylt sary kilemniń ústimen júrip ótti.
Shara qalanyń ortalyǵynda ornalasqan Tel-Avıvtegi basty alańdardyń biri - Gabımada uıymdastyryldy. Kilemniń qyzǵylt sary tústes bolýy onyń bıylǵy seriktesine qurmet retinde tańdalǵan, delingen konkýrstyń resmı saıtynda.
«Eurovision-2019» baıqaýyna barlyǵy 41 memleket qatysyp jatyr. Saıys «Izraıl jármeńke ortalyǵy» kórme ortalyǵynda ótedi.
Baıqaýdyń birinshi jartylaı fınaly 14 mamyrǵa josparlanǵan. Onda 17 el fınaldaǵy 10 oryn úshin baq talastyrady.
Konkýrstyń ekinshi jartylaı fınaly 16 mamyrǵa josparlanǵan. Onda 18 memlekettiń ónerpazdary fınaldaǵy 10 oryn úshin talasady. Aqtyq saıys 18 mamyrda ótpek.
Aıta keteıik, 2018 jylǵy baıqaý Portýgalııada (Lıssabon qalasy) ótti. Atalmysh elge konkýrsty qabyldaý quqyǵy portýgalııalyq ánshi Salvador Sobral Kıevtegi «Eurovision-2017»-de jeńiske jetkennen keıin berildi.
Al Izraılge jeńisti byltyr ánshi Netta (Netta Barzılaı) alyp kelgen bolatyn.
Qazaqstan álemdik án dodasynda birde-bir ret baq synaǵan joq. Al balalar Eýrovıdenıesine 2018 jyly elimiz atynan alǵash ret Danelııa Tóleshova qatysyp, 6-orynnan kórindi.
