Tel-Avıvte atys uıymdastyrǵan lańkestiń kózi joıyldy
TELЬ-AVIV. QazAqparat – Aýqymdy izdestirý operatsııasynyń nátıjesinde Izraıl qaýipsizdik kúshteri bir kún buryn Tel-Avıv barynda atys uıymdastyrǵan lańkestiń kózin joıdy, dep habarlaıdy QazAqparat tilshisi The Times of Israel-ge silteme jasap.
Beısenbi kúni shabýyldaýshy Izraıl astanasynyń ortalyǵyndaǵy kóp adam jınalǵan Dızengof kóshesindegi barǵa oq jaýdyrǵan. Oqıǵa saldarynan eki adam qaza taýyp, úsheýi aýyr jaraqat aldy.
Polıtsııa bastapqyda bul oqıǵany «ultshyldyq sıpattaǵy lańkestik shabýyl» dep qarastyryp edi. Keıinirek basqa da nusqalar bolýy múmkin ekenin habarlady.
Shabýyldan keıin oqıǵa bolǵan aýdannyń barlyq turǵyndaryna úıde bolýǵa keńes berildi. Al qaýipsizdik kúshteri, polıtsııa jáne áskerı arnaıy kúshter kinálini izdestire bastady.
Shabýyldaýshy Raad Hazem esimdi Djenın qalasynyń 28 jastaǵy turǵyny boldyp shyqty. Juma kúni tańerteń ony Izraıl qaýipsizdik kúshteri ıAffo qalasyndaǵy meshitke jaqyn jerde atys kezinde kózin joıdy. Onda ol shabýyldan keıin birneshe saǵat boıy jasyrynǵan. Buǵan deıin Tel-Avıvte atys bolyp, 2 adam qaza tapqany habarlanǵan bolatyn.
