Tel-Avıv tegin Internet qalasyna aınalady
ASTANA. 28 jeltoqsan. QazAqparat - Tel-Avıv ókimeti ınternetke symsyz tegin qoljetimdi jelini qurǵany úshin Motorola Solutions kompanııasyna 2 mıllıon dollar tóleıtin boldy, dep habarlady ITAR-TASS.
Internetpen eń aldymen, qala turǵyndary men týrıster demalýdy súıetin aýmaqtardy qamtý kózdelýde. Merııadan habarlaýynsha, jaǵajaı aımaǵyn, teńiz jaǵasyn, oǵan parallel kóshelerde 80 qoljetimdi núkte ornatylady. Sondaı-aq Eski ıAffo, qoǵamdyq saıabaqtar, jáne basqa da halyq kóp júretin jerler tegin ınternetpen qamtylady. Mýnıtsıpalıtet basshysy Ron Hýldaı qala bıligi aldaǵy ýaqytta da álemniń eń ınnovatsııalyq qalalarynyń biri retindegi bedelin arttyrý jolyndaǵy jumys jalǵasa túsetinine ýáde berdi.
Buǵan deıin qaladaǵy qoǵamdyq oryndardaǵy tegin ınternetke qol jetkizýdi shartty túrde ǵana aıtýǵa bolady. Máselen, meıramhanalar men dámhanalardaǵy symsyz baılanysty paıdalaný úshin taǵamǵa tapsyrys berý qajet. Al qonaqúıler ózderiniń turǵyndaryna ǵana qyzmet kórsetedi. Al «syrttan kelgen» adamdar qoljetimdilik kodyn satyp alýǵa májbúr jáne baǵasy da joǵary.
