Tel-Avıv merııasy qazaq týynyń túsine boıaldy

TELЬ-AVIV. QazAqparat – Izraıldikter Qazaqstandy Táýelsizdik kúnimen osylaısha erekshe quttyqtady, dep habarlaıdy «QazAqparat» HAA.

Aktsııa 17 jeltoqsanǵa qaraǵan túni Qazaqstan Respýblıkasynyń Izraıl Memleketindegi Elshiliginiń bastamasymen ótti. Tel-Avıv qalalyq merııasynyń qasbeti eki memleket arasyndaǵy syılastyq pen dostyqtyń belgisi retinde qazaq týy tústerimen boıaldy.

«Qurmetti dostar, Izraıl Memleketiniń Elshiligi Qazaqstan Respýblıkasynyń barlyq turǵyndaryn Táýelsizdik kúnimen shyn júrekten quttyqtaıdy! Sizderge osynaý qonaqjaı elge ashyq aspan astynda beıbit ómir tileımiz, gúldenip, órkendeı bersin!», - delingen elshiliktiń Twitter-degi paraqshasynda.

Eske sala keteıik, buǵan deıin Qazaqstan Respýblıkasynyń Izraıldegi Elshiligi Qazaqstan Táýelsizdiginiń 28 jyldyǵyna oraı saltanatty shara uıymdastyrǵan bolatyn. Qabyldaýǵa Izraıldiń ekologııa mınıstri jáne Ierýsalım isteri men mura mınıstri Zeev Elkın, Ierýsalım Patrıarhy III Teofıl, Izraıldiń eks-premer-mınıstri Ehýd Olmert, Knesset depýtattary, Bas Sefardııalyq ravvınderdiń ókilderi, qoǵam qaıratkerleri, Izraılde tirkelgen sheteldik dıplomatııalyq mıssııalardyń basshylary, jergilikti bıznes, ǵylym, mádenıet jáne BAQ ókilderi, Qazaqstannan kóship kelgender men otandastar qatysty.