Tel-Avıv áýejaıyndaǵy 23 qazaqstandyq Túrkııaǵa ushyp ketti - SІM
ASTANA. QazAqparat - Bul týraly QR Syrtqy ister mınıstrliginiń twitter paraqshasynda habarlandy.
«Qalǵan otandastarymyzdy qaıtarý jumystary júrýde. Konsýl áýejaıda, qalǵandardy basqa reıske tirkeýde. Jańa aqparat túskennen keıin qosymsha habarlaımyz» delingen vedomstvonyń áleýmettik jelidegi paraqshasynda. Aıta keteıik. buǵan deıin Tel-Avıvtegi áýejaıda elge qaıta almaı otyrǵan otandastarymyzdyń sany 70-ke jetkeni týraly habarlanǵan bolatyn. QR Syrtqy ister mınıstrligi Taıaý Shyǵystaǵy jaǵdaıdyń ýshyǵýyna baılanysty qazaqstandyq saıahatshylardy dereý elge qaıtarý úshin tıisti sharalardy shuǵyl qolǵa aldy. Buǵan deıingi aqparattarda Palestınada júrgen 13 jerlesimiz Izraıldegi Qazaqstan elshiligine jetkizilgeni, 17 qazaqstandyq Tel-Avıv pen Ierýsalımniń qonaqúılerine jaıǵastyrylǵany aıtylǵan.
