«Tekti sózdiń tóresi - terme» respýblıkalyq baıqaýyna ár óńirden 2 termeshiden qatysady

ASTANA. QazAqparat - QR Prezıdentiniń «Ulytaý tórindegi tolǵanys» atty suhbatynda aıtylǵan negizgi baǵyttardy júzege asyrý maqsatynda «Tekti sózdiń tóresi - terme» respýblıkalyq termeshiler baıqaýy ótkiziledi.

Bul týraly búgin Astanada atalǵan baıqaýdy uıymdastyrýǵa baılanysty ótken baspasóz máslıhatynda málim boldy.

Uıymdastyrýshylardyń aıtýynsha, baıqaý Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn iske asyrý baǵytynda 2014-2016 jyldar aralyǵyndaǵy is-sharalar josparynyń 37 tarmaǵyn jáne QR Prezıdenti N. Nazarbaevtyń «Ulytaý tórindegi tolǵanys» atty suhbatynda aıtylǵan negizgi baǵyttardy júzege asyrý maqsatynda ótkiziledi.

Qazaqstan Respýblıkasynyń Táýelsizdik kúnine oraı ótkiziletin sharaǵa elimizdiń oblystarynan jáne Astana men Almaty qalalarynan 2 oryndaýshydan qatysady. Ádilqazylar alqasynyń nazaryna uıymdastyrýshylar usynǵan taqyryptardaǵy jańa termelerin usynylatyn bolady.

Belgili bolǵandaı, baıqaý jeńimpazdary iri aqshalaı syılyqtarmen marapattalady, al gran-prı ıegerine avtokólik syıǵa tartylady.

QR Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti uıymdastyratyn baıqaýdyń ótkizilýi 2014 jyldyń 8 qarashasyna josparlanyp otyr.