Tekserý qorytyndysy jarııalandy: aqmolalyq jeti turǵynnyń ýlanýyna qymyz sebep bolýy múmkin

ASTANA. KAZINFORM — Aqmola oblysynyń jeti turǵyny aýrýhanaǵa jatqyzylǵan mekeme ıesine qatysty ákimshilik shara qoldanylyp, tergeý materıaldary Ereımentaý aýdandyq polıtsııa bólimine jiberildi, dep habarlaıdy Kazinform tilshisi. 

Aqmola oblystyq sanıtarlyq-epıdemıologııalyq baqylaý departamentiniń habarlaýynsha, bıylǵy jyldyń 11 qazanynda Ereımentaý aýdanynyń medıtsınalyq mekemelerine qoǵamdyq tamaqtaný nysandarynyń birine barǵanr soń jedel ishek ınfektsııasynyń belgileri bar jeti adam kómekke júgingen.

— Atalǵan fakti boıynsha Ereımentaý aýdandyq sanıtarlyq-epıdemıologııalyq baqylaý basqarmasynyń mamandary jergilikti atqarýshy bılik pen kásipkerlik ókilderimen birlesip, epıdemııaǵa qarsy is-sharalar júrgizdi. Tergeý aıasynda zerthanalyq zertteýler júrgizilip, azyq-túlik synamalarynda oń qorytyndy anyqtaldy, — dep atap ótti vedomstvo.

Redaktsııa saýalyna jaýap retinde adamdardyń ýlanýyna jaramdylyq merzimi ótip, saqtaý sharttary oryndalmaǵan qymyzdy ishý sebep bolǵan.

Qazirgi tańda zardap shekkenderdiń barlyǵynyń jaǵdaıy qanaǵattanarlyq dep baǵalanyp otyr. Azamattardyń osyǵan uqsas jańa shaǵymdary tirkelgen joq. 

— Sanıtarlyq talaptardy buzǵan kásipkerlik sýbektisine qatysty zańda kózdelgen ákimshilik sharalar qoldanyldy. Budan basqa, atalǵan oqıǵa fakti boıynsha materıaldar qylmystyq quqyqbuzýshylyq belgileriniń bar-joǵyn anyqtaý úshin QR Qylmystyq kodeksiniń 304-baby boıynsha Ereımentaý aýdandyq polıtsııa bólimine joldandy, — dep tolyqtyrdy vedomstvodan.

Buǵan deıin Aqmola oblysyndaǵy toıda jeti adam ýlanǵanyn habarlaǵan bolatynbyz.