Tekserý komıssııalarynyń jumysynda zań talaptary buzylyp otyr - Andreı Lýkın

NUR-SULTAN. QazAqparat - Senator Andreı Lýkın Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy Natalıa Godýnovanyń atyna joldaǵan depýtattyq saýalynda tekserý komıssııalarynyń jumysy boıynsha erejelerdiń buzylǵany týraly aıtty, dep habarlaıdy QazAqparat tilshisi.

Senatordyń pikirinshe, qarjyǵa qatysty kóptegen erejelerdiń buzylýy komıssııa tóraǵasy men músheleriniń tıisti baqylaýynyń joqtyǵyn kórsetedi jáne zańnama talaptaryn eskermeý saldary bolyp otyr.

«Mekemelerdiń basshylyǵy men memlekettik aýdıtorlardyń baqylaý-qadaǵalaý fýnktsııalaryn júzege asyrý barysynda josparlaý máselelerinen bastap aýdıt jáne qarjylyq baqylaý protsesine deıin zań talaptarynyń eleýli buzylýy oryn alǵanyn taldaý nátıjeleri kórsetip otyr», - dedi Andreı Lýkın Senattyń jalpy otyrysynda.

Depýtat oǵan baqylaý-qadaǵalaý fýnktsııalaryn, atap aıtqanda, táýekelderdi basqarý júıesin iske asyrý tetikteriniń jetildirilmeýi yqpal etetinin, bul ony is júzinde qoldaný úshin jetkilikti qıyn ári ońaılatýdy talap etetinin atap ótti.

Senator tekserý komıssııalary shtattaǵy qyzmetkerlerdiń sanyna jáne ol úshin bólinetin qarajatqa qaramastan, bıýdjet qarjysy men memleket aktıvterin basqarý ári paıdalaný tıimdiligin arttyrý jóninde óziniń aldyna qoıylǵan maqsatyna qol jetkizýdi qamtamasyz etýde jetkiliksiz dep qorytyndylady.