Tekseristen keıin bilim berý salasyndaǵy laýazymdy adamdar jaýapkershilikke tartyldy
ASTANA. KAZINFORM — Oqý-aǵartý mınıstrliginiń, Qazaqstannyń jetekshi joǵary oqý oryndarynyń jáne «Daryn» respýblıkalyq ǵylymı-praktıkalyq ortalyǵynyń laýazymdy adamdary men qyzmetkerleri tártiptik jaýapkershilikke tartyldy. Bul týraly Joǵary aýdıtorlyq palatanyń baspasóz qyzmeti habarlady.
Joǵary aýdıtorlyq palatanyń tapsyrmasy boıynsha tıisti sharalar qabyldandy.
— Bıyl aqpanda orta bilim berýdi damytýǵa bólingen bıýdjet qarajatynyń paıdalanylý tıimdiligin baǵalaý boıynsha memlekettik aýdıt júrgizildi. Tekserý barysynda aýdıtorlar pedagogterdi daıarlaý men jumysqa ornalastyrý, bilim berý protsesin ádisnamalyq qamtamasyz etý, memlekettik retteý bóliginde jáne t. b. birqatar problemalyq másele men kemshilikterdi anyqtady, — delingen habarlamada.
Osyǵan baılanysty Joǵary aýdıtorlyq palata ýákiletti memlekettik organdar men uıymdardyń basshylyǵyna zańnamany buzýǵa jol bergen laýazymdy adamdardy jaýapkershilikke tartý máselesin qaraýdy tapsyrdy.
Nátıjesinde:
QR Oqý-aǵartý mınıstrliginiń Orta bilim berý komıteti tóraǵasynyń orynbasary;
QR Oqý-aǵartý mınıstrliginiń Bilim berý salasynda sapany qamtamasyz etý komıteti tóraǵasynyń orynbasary;
Sh. Esenov atyndaǵy Kaspıı tehnologııa jáne ınjınırıng ýnıversıtetiniń rektory;
Q.A. ıAssaýı atyndaǵy Halyqaralyq qazaq-túrik ýnıversıtetiniń rektory;
Y. Altynsarın atyndaǵy Arqalyq pedagogıkalyq ınstıtýtynyń prorektory;
S. Amanjolov atyndaǵy Shyǵys Qazaqstan ýnıversıtetiniń prorektory;
L. Gýmılev atyndaǵy Eýrazııa ulttyq ýnıversıtetiniń prorektory;
M. Ótemisov atyndaǵy Batys Qazaqstan ýnıversıtetiniń prorektory;
Qorqyt ata atyndaǵy Qyzylorda ýnıversıtetiniń prorektory;
Akademık A. Qýatbekov atyndaǵy Halyqtar dostyǵy ýnıversıtetiniń prorektory;
Sh. Murtaza atyndaǵy Taraz halyqaralyq ınnovatsııalyq ınstıtýtynyń prorektory;
M. Qozybaev atyndaǵy Soltústik Qazaqstan ýnıversıtetiniń dekany;
A. Myrzahmetov atyndaǵy Kókshetaý ýnıversıtetiniń kafedra meńgerýshileri;
Y. Altynsarın atyndaǵy Ulttyq bilim akademııasynyń qarjy-ekonomıkalyq departamentiniń dırektory jáne aǵa ǵylymı qyzmetkerleriniń biri;
M. Áýezov atyndaǵy Ońtústik Qazaqstan ýnıversıtetiniń mamandary ártúrli tártiptik jaýapkershilikke tartyldy.
Sondaı-aq «Daryn» respýblıkalyq ǵylymı-praktıkalyq ortalyǵynyń bólim basshylary men ádiskerleri tártiptik jaýapkershilikke tartyldy.
Aıta ketelik Saıasat Nurbek JOO-larda psıhologııalyq qyzmetter nege kúsheıtilgenin aıtqan edi.