Tekserister azaısa da, tótenshe jaǵdaılar kóbeıgen joq - mınıstr V.Bojko
ASTANA. 18 qarasha. QazAqparat - Tekseristerdiń azaıýy el ishindegi tótenshe jaǵdaılardyń artýyna sebep bolǵan joq. Bul týraly búgin QR Parlament Senatynyń Halyqaralyq qatynastar, qorǵanys jáne qaýipsizdik komıtetiniń ókilderimen bolǵan kezdesýde QR Tótenshe jaǵdaılar mınıstri Vladımır Bojko málim etti.
Onyń aıtýynsha, buryn tótenshe jaǵdaılar mınıstrligi el bıznesmenderine 199 ruqsat qaǵazdaryn berip kelgen. «Búginde onyń sany 26-ǵa deıin qysqardy, taǵy beseýi eskertý retinde engizildi. Sonyń nátıjesinde órt qaýipsizdigi boıynsha ótkizilgen tekseristerdiń sany 48 paıyzǵa azaıdy. Jalpy, bıyl respýblıka boıynsha órt oqıǵalary, tótenshe jaǵdaılar men el qazynasyna kelgen shyǵyndar tómendedi. Demek, ruqsat berý qaǵazdaryn qysqartý jumysy tótenshe jaǵdaılardyń artýyna ákelgen joq», - deıdi V.Bojko.
