Tekeliniń qoǵamdyq orynda ishimdik ishken azamattar qamaýǵa alyndy
TEKELІ. QazAqparat – Tekeli qalasynda qoǵamdyq orynda ishimdik ishken azamattar qamaýǵa alyndy, dep habarlaıdy QazAqparat tilshisi.
Búgin Taldyqorǵan mamandandyrylǵan aýdanaralyq ákimshilik sotynda QR ÁQBtK 434-babynyń 1-bóligimen Tekeli qalasynyń azamattary A men B.-ǵa qatysty jáne QR ÁQBtK 434-babynyń 2-bóligimen azamat D.-ǵa qatysty ákimshilik ister qaraldy.
Sotta anyqtalǵandaı, quqyq buzýshylar Tekeli qalasy, Áýezov kóshesinde ornalasqan saıabaqta alkogoldik ishimdik iship, aýlaǵa ıaǵnı belgilenbegen orynǵa bótelkeni tastaǵan.
Sonymen, D. ákimshilik jaza bergeli bir jyl ótpeı, qaıtalap ortaq paıdalaný ornyn lastap qasaqana ÁQBtK-niń 434-babynyń 2-bóligimen ákimshilik quqyq buzýshylyq jasaǵan.
Sot otyrysynda quqyq buzýshylylar ákimshilik quqyq buzýshylyqty jasaǵanyn tolyq moıyndady.
Sottyń qaýlysymen azamattar A. jáne B. QR ÁQBtK-ń 434-babynyń 1-bóligimen kináli dep tanylyp 3 (úsh) táýlikke, al azamat D. QR ÁQBtK-ń 434-babynyń 2-bóligimen 5 (bes) táýlikke ákimshilik qamaqqa alyndy.
Qaýlylar zańdy kúshine engen joq.
Esterińizge sala ketsek, Tekeli qalasynyń ákimi Baqtııar Ónerbaev qoǵamdyq orynda úsh er adamnyń alkagoldi ishimdikti iship jatqan jerinen beınejazba jarııalaǵan bolatyn.
