Tekelidegi saýda úıinen 30 mln. teńgeni quraıtyn aqsha men baǵaly buıym urlandy
ASTANA. QazAqparat - Almaty oblysy Tekeli qalasynda 21 aqpan kúni saýda úılerdiń birinen urlyq jasaǵan 21 jastaǵy kúdikti ustaldy, dep habarlaıdy QazAqparat oblystyq ІІD baspasóz qyzmetine silteme jasap.
Japa shegýshiniń seıfinen 42 myń AQSh dollary, 21800 ıýan, 44 myń reseılik rýbl men baǵaly buıymdar urlanǵan.
«Japa shegýshiniń shyǵyny 30 mıllıon teńgege jetip otyr, osyǵan baılanysty Qylmystyq Kodekstiń 188 baby 4 tarmaǵy «Іri kólemdegi tonaý» faktisi boıynsha qylmystyq is qozǵaldy. Qylmysty ashýǵa baǵyttalǵan jedel-izdestirý sharalaryna Tekeli qalalyq ishki ister departamentiniń jáne oblystyń tájirıbeli qyzmetkerleri tartyldy. Nátıjesinde kúdikti anyqtalyp, qolǵa tústi. Ol Tekeli qalasynyń turǵyny bolyp shyqty», - delingen óńirlik ІІD baspasóz qyzmetiniń habarlamasynda.
Qazirgi ýaqytta kúdikti qamaýǵa alynǵan. Ustalǵan azamattan urlanǵan shetel valıýtalary men buıymdardyń bir bóligi tabyldy.
