Tekelide kásipkerler kópbalaly anaǵa úı syılady

TALDYQORǴAN.QazAqparat - Almaty oblysynda tekelilik kásipkerler 5 balanyń anasy Maqpal Kúzdikbaevaǵa baspana syılady. Kópbalaly ana buǵan deıin páter jaldap turǵan, dep habarlaıdy QazAqparat tilshisi.

Qonys ıelerine mundaı qýanyshty «Eva Lıýks» JShS jetekshisi Eıhvald Valerıı Iosıfovıch pen taǵy bir kásipker azamat syılady. Úsh bólmeli jer úıdiń kiltin alǵan Maqpal sheksiz alǵysyn jaýdyrdy.

«Maqpal Tekelide búgingi kúnge deıin birneshe jerde úı jaldap turǵan. Ótinishin aıtyp, qabyldaýyma da jıi keletin. Mine, osyndaı qoly ashyq jandardyń arqasynda úıli bolyp, úlken qýanyshyna kýá boldyq», - dedi Tekeli qalasynyń ákimi Baqtııar Ónerbaev.

Esterińizge sala keteıik, osydan bir aı buryn Tekeli qalasynyń turǵyny 7 balanyń anasy Nazgúl Kójekeevaǵa «ASPMK-19» JShS-i tórt bólmeli úı alyp bergenin habarlaǵan bolatynbyz.