Tekelide buzaqylar soǵys ardagerlerine qoıylǵan eskertkish taqtaıshany syndyryp ketti
TALDYQORǴAN. QazAqparat - Búgin Almaty oblysy Tekeli qalasynyń ortalyǵyndaǵy Ekinshi dúnıejúzi soǵysy ardagerlerin eske alý maqsatynda qoı̆ylǵan eskertkish taqtaı̆shany buzaqylar qıratyp ketti, dep habarlaıdy QazAqparat tilshisi.
«Bul jerde eli men jeri úshin janyn qıǵan jandardyń esimi jazylǵan. Sonda osyndaı̆ áreketke barǵan adamdardyń Uly Otan soǵysyna qatysqan ardagerlerimizge qurmeti joq bolǵany ma?» dep ashynady qala ákimi Baqtııar Ónerbaev.
Onyń aıtýynsha, Tekeli qalasynyń turǵyn úı̆-kommýnaldyq sharýashylyq jáne turǵyn úı̆ ınspektsııasy bóliminiń basshysy Ǵalym Tólegenulyna eskertkish mańynda qoı̆ylǵan vıdeobaqylaý kamerasyn qosyp, baqylap otyrý tapsyrylǵan.
«Alaı̆da, atalmysh bólim basshysynyń jumysqa salǵyrt qaraýynan osyndaı̆ kóriniske kýá bolyp otyrmyz. ıAǵnı, vıdeobaqylaý kamerasynyń ýaqytyly qosylmaýyna baılanysty buzaqylardy ustaý múmkin bolmaı̆ otyr. Sol sebepti Ǵalym Qyzylbaevqa osy máseleni qaı̆ta kóterip, eskertkish mańyndaǵy baqylaý kameralarynyń jumysyn qaı̆ta tekserip, qolǵa alýdy tapsyramyn», - deıdi Tekeli qalasynyń ákimi Baqtııar Ónerbaev.
