Tekeli monoqalasynda ekstrımaldy týrızm nysany salynady
TALDYQORǴAN. QazAqparat - Almaty oblysyndaǵy Tekeli monoqalasynda ekstrımaldy sport túrlerine arnalǵan týrızm nysany salynady dep josparlanýda. Ol jerde qarda júretin kólikpen, kvadrotsıklmen serýendeýge bolady, dep habarlaıdy QazAqparat tilshisi.
Bul jobaǵa 18 mln teńge ınvestıtsııa tartylyp, 20 adam jumyspen qamtylady.
Qazirgi tańda jańadan salynatyn týrıstik nysandar qurylysyna 2,7 gektar jer qarastyrylýda. Jalpy kenshiler shaharynda 11 týrıstik nysan jumys istep tur. Ótken jyly bul salada kórsetilgen aqyly qyzmet 145 mln teńgege jetti.
2017 jyldy qortyndylap esep bergen Tekeli qalasynyń ákimi Baqtııar Ónerbaev týrızmdi damytý maqsatynda, týrıstik karta qurastyrylǵanyn aıtty.
Jalpy Jońǵar Alataýynyń eteginde ornalasqan shahar týrızmniń alýan baǵyttaryn damytýǵa óte qolaıly. Raftıng, alpınızm, ekstrımaldy sport jáne qysqy sport túrleri, etno jáne eko týrızm Tekeliniń tek óndiristik eldi-meken ǵana emes, týrıstik shahar retinde tanylýyna jol ashýda.
