Tekeli qalasynyń ákimi qoǵamdyq orynda ishimdik ishkenderdi qýyp jiberdi
TEKELІ. QazAqparat – Almaty oblysyndaǵy Tekeli qalasynyń ákimi Baqtııar Ónerbaev qoǵamdyq oryndarda alańsyz ishimdik ishetindermen kúres bastady, dep habarlaıdy QazAqparat tilshisi.
«Búgin meniń qabyldaýymda qala turǵyny bir áıel kelip kúıeýiniń kúnde araq ishetinin aıtyp, jasyryn túrde satylatyn arzan araǵyna tosqaýyl qoıýdy suraǵan bolatyn. Al, keshke ózim qala aralap júrip mynandaı masqaraǵa tap boldym. Polıtsııa bastyǵy U. Sadyqov jáne kirister basqarma basshysy Q. Nurǵalıev shuǵyl shara qoldanyńyzdar»,- dep jazǵan áleýmettik jelidegi paraqshasynda B.Ónerbaev.
Sondaı-aq, sheneýnik oqıǵa ornynan beınejazbany júktegen. Vıdeoda úsh er azamattyń emin-erkin qoǵamdyq orynda ishimdik iship otyrǵanyn kórýge bolady.
Baqtııar Ónerbaev er azamattarǵa óz narazylyǵyn bildirgennen keıin beıtanys adamdar ishimdikterin tastap qashqan.
