Tekeli qalasynda jastarǵa qyzmet kórsetý ortalyǵy ashylady
Jastar jyly aıasynda Tekeliniń jastarymen kezdesken qala basshysy jigeri tasyǵan, boıynda ot oınaǵan jalyndy jastar elimizdiń qozǵaýshy kúshi degen baǵa berdi. «Batyl, bastamashyl erkin oılaryńyz memleketimiz úshin asa qajet. Erteńimizdiń baıandy bolýy sizderge tikeleı baılanysty. Al, biz jastarǵa jan-jaqty qoldaý kórsetip, tolyqqandy bilim alýyna jaǵdaı jasaýǵa, olardyń mártebesin kóterýge úlesimizdi qosýǵa daıynbyz», - dedi Bahtııar Ónerbaev.
Sondaı-aq qala ákimi jastardyń tyń ıdeıalary men jobalaryna baǵyt berip, túrli máseleler boıynsha kómek kórsetetin Jastarǵa qyzmet kórsetý ortalyǵyn ashý josparlanyp otyrǵanyn aıtyp, jastardyń armanyna qanat bitirdi. ıAǵnı, ortalyq jastardyń bilimin shyńdap, bir-birimen pikir almasyp, tájirıbe bólisetin ári demalatyn ortaq shańyraq bolaryna senim mol. Sondaı-aq, jyldyń sońyna deıin arnaıy jyldyq jumys jospary bekitilip, «Jastar jylyna arnalǵan 100 ıgi is-shara» jobasy qolǵa alynbaq.
