Tekeli qalasynda jańa sý elektr stantsııasy ashylady

TALDYQORǴAN. QazAqparat - Almaty oblysynyń Tekeli qalasynda ındýstrııalandyrý kúni qarsańynda Qora sý elektr stansasy iske qosylady. Jobanyń qýattylyǵy 28,5 MegaVatt bolmaq, dep habarlaıdy Qazaqparat tilshisi.

Qora ózenindegi sý elektr stantsııasy Elbasynyń «Qazaqstan-2050» strategııasy aıasynda elimizde qalpyna keltiriletin energııa kózderin kóbeıtý tapsyrmasymen qolǵa alyndy.

Joba quny 7,1 mlrd teńge. Qarajattyń 78 paıyzy jeke ınvestıtsııa bolsa, qalǵan 28 paıyzy nesıeler.

Qurylys jumystary 2015 jyldyń qarasha aıynda bastaldy. Qazirgi tańda negizgi qondyrǵylar ornatylyp, gıdromehanıkalyq qurylǵylar synaqtan ótkizilýde. Sondaı-aq, ǵımarattyń mańaıy abattandyrylyp, qorshaýlar turǵyzylyp, beınebaqylaý kameralary qosylýda.

Bul joba Almaty oblysynda qaıta qalpyna keltiriletin qýat kózderiniń ishinde qýattylyǵy jaǵynan Moınaq SES-inen keıin ekinshi orynda. Elektr stantsııa qurylysyna 250 adam jumyldyryldy. Іske qosylǵannan keıin bul jerde 23 adam eńbek etetin bolady.

Óndirilgen elektr qýaty tolyǵymen ishki naryqqa jumsalady dep josparlanýda.