Tekeli qalasynda 1000-ǵa jýyq kenshi turaqty jumysqa ornalasty
TALDYQORǴAN. QazAqparat - 70 jyldyq tarıhy bar Tekeli shaharynda bıyl 1000-ǵa jýyq kenshi turaqty jumysqa ornalasty, dep habarlaıdy QazAqparat tilshisi.
Monoqala turǵyndarynyń eńbekpen qamtylýyna shoıyn óńdeý kesheniniń qaıta ashylýy sep bolǵan. Óndiris orny jyl basynan beri 7200 tonna shoıyn óndirgen. Al, kelesi jyldan bastap qalada ekinshi domna peshi iske qosylyp, 1200-ge jýyq adam turaqty jumyspen qamtylady dep josparlanǵan.
Qalada shaǵyn jáne orta bıznes salasy da belsendi damýda. Máselen, ótken jylmen salystyrǵanda olardyń sany 311 birlikke artyp, 2800 adam jumyspen qamtyldy.
Sondaı-aq, óńirde turǵyn úı kommýnaldyq sharýashylyǵy salasy da qarqyndy damý ústinde. «Óńirlerdi damytý» baǵdarlamasy sheńberinde «Metallýrg» shaǵyn aýdanynyń káriz jelileri men magıstraldy jylý jelileri qaıta jańǵyrtý boıynsha - eki ótpeli ınvestıtsııalyq jobany iske asyrý aıaqtaldy.
Nátıjesinde, barlyǵy 23,3 shaqyrym káriz jelisi men 5,02 shaqyrym magıstraldy jylý jelileri qaıta jańǵyrtyldy. Aýyl sharýashylyq salasynda da nátıje bar. Qysy-jazy ónim beretin Tekeli jylyjaıynda 452 myń tonna qııar jınalǵan. Jalpy, 2019 jyldyń 10 aıynda aýyl sharýashylyǵynda 6,5 mlrd teńgeniń ónimi óndirildi.
Kenshiler qalasyndaǵy jańalyq bul ǵana emes. Qalada baspana máselesi de sheshimin tabýda. «Nurly jer» baǵdarlamasy aıasynda 40 páterli turǵyn úıdiń qurylys jumysy júrgizilýde, nysannyń daıyndyǵy 88,8%, jumystyń aıaqtalý merzimi jeltoqsan aıyna josparlanǵan. Taǵy eki 40 páterli turǵyn úıdiń qurylysyna jobalyq-smetalyq qujattama ázirlenýde.
Bahtııar Áltaıuly kópbalaly otbasylardy nazardan tys qaldyrǵan emes.
«Qalada 415 kópbalaly otbasy turady, otbasylarǵa tekserý júrgizildi jáne olardyń tabystary naqtylandy, barlyǵyna áleýmettik kartalar toltyryldy.
Kóp balaly otbasylardy turǵyn úımen qamtamasyz etý úshin 25 páter satyp alyndy. Demeýshiler esebinen 5 kópbalaly otbasy úshin turǵyn úı satyp alynǵan. Sonymen qatar »Baqytty otbasy« baǵdarlamasy aıasynda qalanyń 7 turǵyny baspanaly bolǵan.
Jalpy, keler jyly monoshaharda áleýmettiń áleýetin kóteretin birneshe joba iske asady. ıAǵnı, 2020 jyly Tekeli qalasynda 470 jańa jumys orny ashylmaq. Atap ótsek, »Profmebel« jıhaz, ák óndiretin kásiporyn, Qazaqstannyń ishki naryǵy úshin bolat quımalar shyǵaratyn zaýyt, sondaı-aq, »Ibraımova« sharýa qojalyǵynyń 50 basqa arnalǵan bordaqylaý alańy iske qosylmaq. Sóıtip, jumyssyzdyq deńgeıin 4,7 paıyzǵa tómendetemiz», - dedi Ónerbaev Baqtııar Áltaıuly Taldyqorǵanda ótken brıfıng barysynda.
