03:22, 20 Qarasha 2024 | GMT +6

Tekelide qoldan jasalǵan ádispen esirtki zattaryn daıyndaǵandar 10 jylǵa sottaldy

Текеліде қолдан жасалған әдіспен есірткі заттарын дайындағандар 10 жылға сотталды — Фото: Солтан Жексенбеков/ Kazinform

TALDYQORǴAN. KAZINFORM - Jetisý oblysynyń mamandandyrylǵan aýdanaralyq sotynda esirtki zattaryn, olardyń analogtaryn zańsyz daıyndaý, qaıta óndeý, satyp alý, saqtaý, tasymaldaý jáne ótkizý maqsatynda saqtaý faktisi boıynsha (QR QK 297-baby 3-bóliginiń 1, 2 jáne 3-tarmaqtary) eki aıyptalýshyǵa qatysty qylmystyq is qaraldy.

2023 jyldyń jeltoqsan aıynda sottalýshylar WhatsApp, Telegram jáne Signal áleýmettik jelileri arqyly M. esimdi belgisiz azamatpen sóz baılasyp, onyń basshylyǵymen Tekeli qalasynda qoldan jasalǵan ádispen 3 keliden astam esirtki zattaryn daıyndaǵan.

«Aıyptalýshylardyń kinási kýágerlerdiń aıǵaqtary, saraptama qorytyndylary jáne qylmystyq istiń basqa da materıaldarymen deleldendi. Bul áreket asa aýyr qylmystar sanatyna jatady jáne qoǵamǵa erekshe qaýip tóndiredi. Sot úkimimen aıyptalýshylar ózderine taǵylǵan aıyp boıynsha kináli dep tanylyp, 10 jylǵa bas bostandyqtarynan aıyryldy», - delingen habarlamada.

Úkim zańdy kúshine engen joq.

Eske sala keteıik, buǵan deıin Jetisý oblysynda 6 sıyr urlaǵan azamat 2 jylǵa sottalǵanyn jazǵan bolatynbyz.

Tegter:

Талдықорған Есірткімен күрес Сот Жетісу облысы Қылмыс

Сейчас читают