Tek jazalaý arqyly qylmysty joıyp jiberý múmkin emes - QR Joǵarǵy sot tóraǵasy Musabek Álimbekov
ALMATY. Aqpannyń 8-i. QazAqparat /Erlik Erjanuly/ - Qylmysqa bir baǵytpen ǵana qaraýǵa bolmaıdy. Bul búgin Almatyda ótip jatqan "QR Qylmystyq saıasaty: jaı-kúıi jáne ony lıberalızatsııalaýdyń negizgi baǵyttary" dep atalatyn dóńgelek ústel jıynynda aıtyldy,
dep habarlaıdy QazAqparat.
"Kez kelgen qoǵamda azamattardyń arasynda zańda kórsetilgen sheńberden shyǵyp ketý árketteri bolady. Ol tórt qubylasy saı degen memleketterde de bar. Qazaqta «bireý toıyp, bireý tońyp sekiredi» degen sóz bar ǵoı. Mundaı qylmysty tek qana qatań jazalaý arqyly joıyp jiberemiz degen durys emes. Ondaı bizdiń tarıhymyzda bolǵan. Stalındik qýǵynnyń kezinde óte qatań jazalaǵan. Bir ýys bıdaı alǵany úshin 15 jylǵa sottap jibergen jáıtter boldy. Odan qylmys tómendegen joq", deıdi QR Joǵarǵy sot tóraǵasy Musabek Álimbekov. Onyń aıtýynsha, qylmysty jazalaý kúrestiń bir ǵana bóligi. Tek qana jazalaý arqyly qylmysty joıyp jiberý múmkin emes. Ol birinshiden, qoǵamdaǵy mádenıetke baılanysty. Odan keıin qoǵamnyń ósip-órkendeý deńgeıine jáne quqyqtyq tárbıege, memlekettiń atqaryp otyrǵan jumysyna baılanysty.
