Tek bıyl ǵana 700 hattamalyq kezdesý ótkizip, 17 ret shetelge sapar jasadym - N. Nazarbaev

 Bul týraly Memleket basshysy Nursultan Nazarbaev qazaqstandyq BAQ ókilderimen bolǵan kezdesýde jýrnalıstiń Prezıdenttiń jumys kúni týraly qoıǵan suraǵyna  jaýap berý kezinde aıtty.

Onyń aıtýynsha, ózge shet memleketter basshylarynyń Qazaqstanǵa saparlary budan eki ese kóp bolǵan. «Budan bólek, kóptegen kún saıynǵy keńester men kezdesýler uıymdastyryldy - memleketti basqarý qajet qoı. Demek, meniń densaýlyǵymdy oılaýǵa da mursham bola  bermeıdi. Jáne maǵan ol týraly oılamaıtyndaı etip ómir súrý kerek», - dedi Memleket basshysy.

Onyń atap ótýinshe, eger óz jumysyńdy jaqsy kórseń, eger óz eńbegińniń nátıjesin kórseń - osynyń ózi rýhtandyrady. «Bul er adam úshin shabyttandyrýshy kúsh bolyp tabylady. Ol árkez «jer jyrta» jumys isteýi tıis. Men árqashan jastarǵa sportpen shuǵyldaný qajettigi týraly aıtamyn. Óıtkeni, kez kelgen bıznesmen - ózinshe bir bólek adam. Onnyń biri ǵana sondaı bolýǵa qabiletti. Bul adamdardyń erekshe bir túri. Ol óz elinde jáne búkil álem boıynsha júrip-turady, ol áriptesterine oń áser etýi úshin kelissóz júrgize bilýi tıis, aqyldy jáne jigerli bolýy kerek, mundaı jumys kezinde sharshap-shaldyqpaý úshin densaýlyǵy myqty bolýy shart. Sondyqtan, árkim densaýlyǵyn oılaǵany durys», - dedi Elbasy.

«Men keıde kúlemin, maǵan erip júretin adamdar - kúzet qyzmetindegiler, jýrnalıster, olardyń bári de jas, biraq olar keshke qaraı súrinip jyǵylady, al men eshteńeni de sezbeımin, óıtkeni, jumys eliktirip áketetindikten, densaýlyǵyń týraly oılaýǵa murshań da kelmeıdi. Menińshe, Plýtarhtyn aıtqany  boldy ǵoı deımin: «Jalqaýlanyp jatyp óziniń densaýlyǵyn durystamaqshy bolatyndar, únin shyǵarmaı-aq daýystaryn kúsheıtýdi oılaıtyndar sekildi aqymaqtyq qadamdarǵa barady». Sondyqtan, sandalbaılyqqa salynbaı, belsendi ómir súrý kerek. Ómir bulqynysy ilgeri jetelep, jumys eliktirýi jáne aýyrýǵa ýaqyt qalmaýy tıis», - dep atap ótti ol.