Tehnologııalyq damý jónindegi ulttyq agenttiginde granttar alýǵa ótinimder berý júıesi jeńildetiledi
ASTANA. QazAqparat - Tehnologııalyq damý jónindegi ulttyq agenttiginde granttardy alý ótinimderin berý júıesi jeńildetiledi, bul týraly Astanada QR Májilis depýtattary, jýrnalıster jáne qoǵam qaıratkerlerimen ótken kezdesýdiń aıasynda «Tehnologııalyq damý jónindegi ulttyq agenttik» AQ basqarmasy tóraǵasynyń orynbasary Jumataı Sálimov habarlady.
«Jalpy alǵanda, Tehnologııalyq damý jónindegi ulttyq agenttikpen 2010 jyly ındýstrııalandyrý baǵdarlamasy iske asyra bastalǵannan beri búkil el boıynsha 400-ge jýyq joba men ınnovatsııalyq ázirlemeler sáıkestendirildi, sonyń ishinde 507 jobaǵa naqty, tájirıbelik kómek kórsetildi.
Bizdegi jumys jyl saıyn iske asyrylyp otyrady jáne jyl saıyn protsedýralardy jeńildetýge tyrysamyz. Eger naqty aıtar bolsaq, bizde qazirgi ýaqytta ózgerister engizilip jatyr. Buǵan deıin bizge ótinim berý úshin 20-ǵa jýyq túrli qaǵazdar men anyqtamalar qajet bolǵan. Búginde ol qajetti 7-9 pozıtsııa ǵana», - dep baıandady Jumataı Sálimov. Sondaı-aq ol ótinimderdi qaraý merzimderi boıynsha atqarylyp otyrǵan jumysty atap ótti. «Qaraý merzimin de qysqartýǵa tyrysyp otyrmyz. Búkil álemde ótinimder shamamen úsh aıdyń ishinde qarastyrylady, biz eki aıǵa deıin qysqartpaqpyz. Maqsatymyz - bizde sapaly jobalardyń, qoldaý quraldaryna ıek artatyn adamdar sanynyń kóp bolýy. Eki aıdan keıin jańa erejeler qabyldanady, ótinimder olarǵa sáıkes berilip, bizge kelgen árbir adam ózgeristerdi sezetin bolady», - dep túıindedi J.Sálimov.
