Tehnologııalyq bıznes-ınkýbator baǵdarlamasy sheńberinde Astana tehnoparki byltyr 10 jobaǵa qoldaý jasady

Bul týraly búgin atalǵan baǵdarlamany júzege asyrý barysy týraly ótken baspasóz máslıhatynda «Astana qalasy óńirlik tehnopark» JShS dırektory Murat Aqshalov málim etti.

«Byltyrǵy jyly tehnologııalyq bıznes-ınkýbator baǵdarlamasy sheńberinde 36 joba maquldansa, sonyń 10-y Astana tehnoparki arqyly júzege asty. Byltyr bul joba ilki bolǵanymen, ınnovatorlar qoǵamy arasynda úlken rezonans týdyrdy. Bizge 29 ótinish kelip túsken bolatyn, sonyń ishinde saraptamalyq keńespen 10-y qoldaý tapty», - dedi Murat Aqshalov.

Onyń aıtýynsha, atalǵan baǵdarlama kásipkerler úshin biregeı qoldaý bolyp tabylady. Óıtkeni, kásipker-ınnovatorlar ózderinde týyndaǵan ıdeıalardy is júzine asyrýǵa múmkindikteri bolmaı jatatyn jaǵdaı jıi kezdesedi. Onyń ústine keıbir jobalar táýekeldi sıpat alǵandyqtan, oǵan bel sheship kirise beretinder de kóp emes. Sondyqtan da, ınnovatorlar tehnoparkterge ótinishpen barsa, olardyń ınnovatsııalyq sıpattaǵy ıdeıalaryna qoldaý jasaýǵa járdem bolady.

«Búgingi kúni ınnovatsııalyq jobalardyń jemis bere bastaǵandaryn da ataýǵa bolady. Máselen, Máskeýdegi fızıka ınstıtýyn tamamdaǵan, aqparattyq tehnologııa salasynda qyzmet etetin bir top jas jigit Astana tehnoparkine ótinishpen kelgen bolatyn. Olardyń aqparattyq saladaǵy ınnovatsııalyq jańalyǵy - symsyz ǵalamtor baılanysyna qoljetimdilik júıesin jaqsartyp, paıdalanýshylar úshin ıkemdi ete túsýge baǵyttalǵan edi. Negizi osy naryqta usynylatyn operatorlardyń qyzmeti kóp jaǵdaıda tutynýshylardyń kóńilderinen shyqpaı jatatyny belgili. Sondyqtan da, bundaı olqylyqtyń ornyn toltyrý úshin jas jigitterdiń jańalyǵyn qoldap, bıllıngtik júıeni naryqqa engizý úshin olarǵa tehnıkalyq jaǵdaı jasadyq. Taǵy bir jobany qoldaý arqasynda elimizdegi bir kompanııa ınnovatsııalyq boıaý túrlerin jasap shyqty. Olardyń jańalyǵy - ázirlegen boıaýlary otqa tótep beredi, temirge, aǵashqa syrlanǵan ondaı boıaý órtti birshama ýaqyt tejeý qabiletine ıe. ıAǵnı, jańadan tabylǵan boıaýmen syrlanǵan aǵashtar birshama ýaqyt órtke boı bermeıdi. Jas ǵalymdar nano-tehnologııa deńgeıinde bundaı boıaýdy oılap tapqan soń, bizge ótinish jasady. Óıtkeni, olarǵa tehnıkalyq qoldaý, zııatkerlik menshikterin qorǵaý qajettiligi týyndaǵan bolatyn. Inkýbatsııalaý baǵdarlamasynyń arqasynda olar Zııatkerlik menshik ınstıtýtynan ınnovatsııalyq patent alatyny týraly 4 habarlama aldy. ıAǵnı, qazaqstandyq ınnovatorlar bıznes-ınkýbator baǵdarlamasy arqyly ózderiniń zııatkerligin qorǵap, ınnovatsııalyq patent alyp otyr. Boıaýlary synaqtan ótti, saraptamalyq qorytyndylary da alyndy. Endi bundaı ónimdi shyǵarý úshin ınvestorlar tartylyp, elimizde óndiris qýaty qoldanysqa enetin bolady», - deıdi M. Aqshalov.