«Tehnologııalardy kommertsııalandyrý» jobasy júzege asyrylmaq
ASTANA. 15 maýsym. QazAqparat - Almatyǵa QR Bilim jáne ǵylym mınıstrliginiń «Tehnologııalardy kommertsııalandyrý» jobasyn iske asyrý maqsatynda Halyqaralyq ǵylymı jáne kommertsııalandyrý jónindegi keńes múshelerinen jáne Dúnıejúzilik banktiń ókilderinen turatyn delegatsııa keldi.
Bul týraly QR BǴM «Tehnologııalardy kommertsııalandyrý» jobasyn basqarý toby habarlady.
Aldaǵy kúnder ishinde AQSh-tyń, Germanııanyń, Saýd Arabııasynyń jáne Reseıdiń belgili ǵalymdary qazaqstandyq ǵalymdarmen usynylǵan kommertsııalyq mańyzy bar ǵylymı jobalardy qarastyrady jáne irikteý nátıjesin habarlaıdy.
Bul is-sharalar granttar usynatyn konkýrstyń ekinshi satysy bolyp tabylady. Al konkýrs ótken jyldyń kúzinde bastaý alǵan bolatyn jáne konkýrstyń birinshi týryna 350-den astam jobalar usynylǵan. Usynylǵan ǵylymı jobalardyń basym kópshiligi aýyl sharýashylyǵy (86 joba), medıtsına, farmatsevtıka, bıotehnologııa (barlyǵy 83 joba), nanotehnologııa (83 joba) jáne t.b. ǵylymı baǵyttar boıynsha.
Aǵymdaǵy jyldyń 17 maýsymynda osy sharanyń qorytyndysy boıynsha granttyq qarjylandyrýdy jeńip alǵan kishi ǵylymı qyzmetkerler tobyna arnalǵan 5 joba jáne aǵa ǵylymı qyzmetkerler tobyna arnalǵan 5 joba anyqtalatyn bolady. Bul ǵylymı jobalar alǵash ret qazaqstandyq ǵylymı sarapshylardyń qatysýynsyz halyqaralyq sarapshylarmen iriktelýde.
