«Tehnologııalardy kommertsııalandyrý» jobasy aıasynda granttyq baǵdarlarmalar boıynsha iriktelingenderge sertıfıkattar tabystalady
ASTANA. 21 maýsym. QazAqparat - 22 maýsymda Almatyda QR Bilim jáne ǵylym mınıstrligi «Tehnologııalardy kommertsııalandyrý» jobasy aıasynda granttyq baǵdarlamalar boıynsha iriktelip alynǵan jobalardyń ıegerlerine sertıfıkattardy tabystaý rásimin ótkizedi.
Atalǵan vedomstvonyń málimetinshe, bıylǵy 18 maýsymnan beri QR Bilim jáne ǵylym mınıstrliginiń janyndaǵy, AQSh-tyń, Germanııanyń, Saýd Arabııasynyń jáne Reseıdiń kórnekti ǵalymdarynan turatyn Halyqaralyq ǵylymı jáne kommertsııalandyrý jónindegi keńes músheleri qazaqstandyq ǵalymdar usynǵan kommertsııalyq mańyzy bar ǵylymı jobalar jónindegi ótinimderdi qarastyrdy.
Usynylǵan ǵylymı jobalarǵa qoıylatyn negizgi talaptar - Qazaqstan Respýblıkasynyń ekonomıkalyq jáne ınnovatsııalyq damýyna yqpal etetin ǵylymı-tehnıkalyq jańalyqtar bolýy tıis.
Osy granttyq baǵdarlamaǵa arnalǵan baıqaýǵa elimizdiń kórnekti ǵylymı ortalyqtary, ǵylymı zertteý ınstıtýttary men joǵary oqý oryndary qatysty. Halyqaralyq ǵylymı jáne kommertsııalandyrý jónindegi keńes múshelerimen nano, magnegaz, bıo, mıkrotehnologııalar, alternatıvti energetıka, hımııa, robototehnıka, medıtsına, aýyl sharýashylyǵy, vırýsologııa jáne basqa da salalar boıynsha otandyq ǵalymdarymyzben usynylǵan 232 jobanyń ishinen 25 joba iriktelip alyndy.
Nátıjesinde Halyqaralyq ǵylymı jáne kommertsııalandyrý jónindegi keńes múshelerimen elimiz úshin kommertsııalyq mańyzy bar degen 12 ǵylymı ázirleme anyqtaldy.
Osylaısha Qazaqstan Respýblıkasy Bilim jáne ǵylym mınıstrligi «Tehnologııalardy kommertsııalandyrý» jobasy sheńberinde aǵa jáne kishi ǵylymı qyzmetkerler toptaryna arnalǵan 22 ǵylymı jobany qarjylandyratyn bolady.
