«Tehnologııalardy kommertsıalızatsııalaý» jobasyna respýblıkalyq bıýdjetten qosymsha 61,6 mıllon dollar qarjy bólinedi
azannyń 6-sy. QazAqparat /Aıdar Ospanalıev/ - «Tehnologııalardy kommertsıalızatsııalaý» jobasyna 13,4 mıllıon AQSh dollary kóleminde zaım bólinedi. Al osy jobaǵa Qazaqstan bıýdjetinen bólinetin qosymsha qarjynyń mólsheri - 61,6 mıllıon dollardy qurap otyr. Bul týraly búgin «Tehnologııalardy kommertsıalızatsııalaý» jobasyn Astana qalasynda iske qosýǵa arnalǵan sımpozıým barysynda Bilim jáne ǵylym mınıstri Baqytjan Jumaǵulov málim etti.
Onyń sózine qaraǵanda, Qazaqstanda ǵylym, bilimniń damýyna úlken múmkindikter jasalyp otyr. Soǵan qaramastan ınnovatsııanyń ekonomıkanyń naqty sektoryndaǵy qajettiligi sheshilmegen kúrdeli másele kúıinde qalýda. Búginde otandyq kompanııalardyń tek 4 paıyzy ǵana ınnovatsııalyq qyzmetti júzege asyrýda. «Osy oraıda bizge qazir ǵylymı zertteýlerdiń kommertsııalyq nátıjeliligin arttyrýǵa baǵyttalǵan sheteldik tájirıbeni meńgerýdiń mańyzy zor. «Tehnologııalardy kommertsııalandyrý» jobasy tap osy maqsatty kózdeıdi», dedi mınıstr.
Sonymen qatar joba - qazaqstandyq ǵylymdy suranysqa saı nátıje beretin jáne ony ári qaraı kommertsııalandyrýǵa múmkindik beretin etip uıymdastyrýdy joldaryn kórsetedi.
