"Tehnologııalardy kommertsıalızatsııalaý" jobasyn iske qosý yntymaqtastyqtyń mańyzdy materıaldyq nátıjesi -Búkilálemdik banktiń Qazaqstandaǵy turaqty ókili
ALMATY. Qazannyń 4-i. QazAqparat /Erlik Erjanuly/ - Innovatsııalyq jańa jobalar bıznes úshin de, ónerkásip úshin de zor alýandyq engizýi múmkin. Bul týraly búgin Almatyda ótip jatqan "Tehnologııalardy kommertsıalızatsııalaý" jobasyn iske qosýǵa arnalǵan sımpozıýmda sóz boldy,
dep habarlaıdy QazAqparat.
"Innovatsııalyq jobalar bir elge ǵana emes, búkil álemge ózgerister ákelýi múmkin. Innovatsııa degenimiz bul jerde naqty ekonomıka úshin barlyq sektordyń ónimdi damýy bolyp otyr. Oǵan sońǵy onjyldyqtaǵy birqatar jáıttardy mysalǵa keltirýge bolady. Máselen Rýmynııadaǵy avtomobıl, Týnıstegi tigin óndirisi, Kosto-Rıkadaǵy ekotýrızm, Vetnamdaǵy kompıýterlik komponentter jáne taǵy basqalar. Bul qyzmet túrleri onda joǵary ınnovatsııa jáne jumys ornyn ulǵaıtyp, ál-aýqatty jaqsartýdyń negizgi kózi", deıdi Búkilálemdik banktiń Qazaqstandaǵy turaqty ókili Shebnem Akkaıa. Onyń aıtýynsha, ınnovatsııalyq jobalar el ekonomıkasyn ósirýde ǵana emes, ǵalymdar men kásiporyndardyń yntymaqtastyǵyn damytýda da úlken ról atqarady. Sondaı-aq ǵylymı jumystardyń sapasyn kóterip, básekege qabiletti ekonomıkany qalyptastyrýǵa túrtki bolyp otyrady.
