«Tehnologııalardy kommertsıalızatsııalaý» jobasyn Astana qalasynda iske qosýǵa arnalǵan sımpozıým ótýde

Atalmysh sharany Qazaqstan Respiblıkasynyń Bilim jáne ǵylym mınıstrligi Búkilálemdik banktiń Qazaqstandaǵy ókildigimen birlese otyryp uıymdastyrýda. «Tehnologııalardy kommertsıalızatsııalaý» jobasy ǵylymı qyzmetke jańasha kózqaras qalyptastyryp, onyń áleýmettik-ekonomıkalyq damý sharalaryna qosatyn úlesin arttyrý bolyp tabylady. Onyń ústine ǵylymı jańalyqtar men jetistikterge degen jańasha kózqaras - ǵylymı zertteýler men jeke sektordyń arasyndaǵy mańyzdy baılanystardy qalpyna keltiredi degen úmit bar. Óz kezeginde ol eldegi ınnovatsııalyq qyzmettiń tıimdiligin arttyryp, onyń nátıjelerin kommertsıalızatsııalaýǵa múmkindik beredi. Joba úkimettiń el ekonomıkasyn dıversıfıkatsııalaý men Qazaqstannyń aımaqtyq jáne halyqaralyq deńgeıdegi básekege qabilettiligin arttyrý baǵytyndaǵy sharalar negizinde úılestirilgen.

Sımpozıýmnyń ashylý barysynda sóılegen Bilim jáne ǵylym mınıstri Baqytjan Jumaǵulovtyń sózine qaraǵanda, atalmysh joba aldaǵy ýaqytta halyqaralyq sarapshylar tarapynan joǵary baǵalanatyn básekege qabiletti ǵylymnyń damýyna jáne jańa talantty, jas ǵalymdardyń tanylýyna yqpal etedi. «Men Úkimet pen Búkilálemdik banktiń ǵylymı zertteýlerdiń nátıjelerin álemdik naryqqa shyǵarý baǵytyndaǵy birlesken qımyldary tıimdi ári qajet ýaqytynda qolǵa alynǵan shara dep bilemin», - dedi mınıstr.

Jıyn barysynda tehnologııalardy kommertsıalızatsııalaý jobasynyń elimizde júzege asyrylý joldary jóninde baıandaldy. Sondaı-aq sımpozıýmǵa qatysýshylar jobany júzege asyrýǵa qatysty qalyptasqan máseleler jóninde ózara pikir almaspaq.