Tehnologııa bıýrokratııany jeńedi - ákim
ASTANA. QazAqparat - Astana qalasy Saryarqa aýdanynyń ákimi Arman Turlybekov qala turǵyndaryn Telegram-da ashylǵan ashyq dıalogqa belsendi qatysýǵa shaqyrdy, dep habarlaıdy QazAqparat tilshisi.
«Áleýmettik jeliler, túrli messedjerler bizdiń ómirimizdi túbegeıli ózgertti. Biz qarym-qatynas jasaýdyń jańa formattaryn engize otyryp, jalpy ómirimizdi, bizdiń aýdannyń turǵyndarymen jumys jasaý ádisterin ózgertýdemiz.
WhatsApp-taǵy tikeleı baılanystar, feısbýk pen Instagramdaǵy tikeleı translıatsııalardan basqa biz jańa qarym-qatynas jasaýdyń jańa dıalogtyq alańyn damytýdamyz.
Búginde Saryarqa aýdanynyń Telegram messedjeri chatyn paıdalanýshylar 400-ge jetti. Aýdannyń tártipterin qadaǵalaıtyn chatty jergilikti polıtsııa qyzmetiniń basshysy ózi júrgizedi.
Sondaı-aq bizdiń vırtýaldy assıstentimiz bot qyzmetin paıdalaný tanymaldyqqa ıe bolýda.
Qurmetti Saryarqa aýdanynyń turǵyndary, chatqa kirip ashyq dıalog quryp, ózderińizdiń pikirlerińizdi bildirińizder. https://t.me/AkimatSaryarka
https://t.me/Zan_Saryarka
https://t.me/KCK_AkimatSaryarka
https://t.me/saryarka_akimat_bot », - dedi aýdan ákimi óziniń Feısbýktegi paraqshasynda.
Sondaı-aq ákim tehnologııa bıýrokratııany jeńetindigine senim bildirdi.
