Tehnıkalyq jáne kásiptik bilim berý: memlekettik tapsyrys 50 myń orynǵa artty

ASTANA. QazAqparat – Bıyl tehnıkalyq jáne kásiptik bilim berý úshin respýblıkalyq bıýdjetten memlekettik tapsyrys 50 myń orynǵa ulǵaıtyldy. Bul jaıynda Májilis depýtattarynyń saýalyna Premer-Mınıstrdiń orynbasary – Eńbek jáne halyqty áleýmettik qorǵaý mınıstri Tamara Dúısenovanyń jaýabynda aıtylǵan, dep habarlaıdy QazAqparat tilshisi.

«Memleket basshysynyń tapsyrmasyn iske asyrý aıasynda «Bilimdi ult» Capaly bilim berý» Ulttyq jobasynda 2025 jylǵa qaraı suranysqa ıe mamandyqtar boıynsha jastardy tegin tehnıkalyq jáne kásiptik bilimmen 100 paıyz (2022 j. – 70%, 2023 j. – 80%, 2024 j. – 90%, 2025 j. – 100%) qamtý kózdelgen.

2023 jyly tehnıkalyq jáne kásiptik bilim berý úshin respýblıkalyq bıýdjetten memlekettik tapsyrys 50 myń orynǵa ulǵaıtyldy. Qazirgi kezde memlekettik tapsyrystyń jalpy kólemi – 130 myń oryn. Sondaı-aq 2022-2023 oqý jylynda áleýmettik osal toptaǵy otbasylardan shyqqan 75 myń talapker tegin bilimmen qamtyldy», - delingen Tamara Dúısenovanyń jaýabynda.