Tehnıkalyq ýnıversıtettegi sýper kompıýter ortalyǵynyń ashylýyna da Elbasynyń tikeleı qamqorlyǵy sebepker bolyp otyr - J.Túımebaev
ALMATY. Mamyrdyń 19-y. QazAqparat /Ádilet Musahaev/ - Qanysh Sátbaev atyndaǵy QazUTÝ-da búgin ashylyp otyrǵan ǵylymı ortalyq elimizde buryn-sońdy bolmaǵan.
Bul jaıynda QR Bilim jáne ǵylym mınıstri Janseıit Túımebaev atalmysh ýnıversıtettegi «Ujymdyq aqparattar qoldaný jáne kosmostyq tehnologııalar ulttyq ǵylymı zerthana» ortalyǵynyń tusaýkeser rásimi barysynda aıtty.
J.Túımebaev mundaı nárseni kópshilik buryn tek estip jáne aldyńǵy qatarly elderde ǵana bolady dep oılap kelgendigin aıtyp ótti. «Minekeı, sol úlken múmkindigi bar sýper kompıýter QazUTÝ-da ornatylyp otyr. Elbasy Nursultan Ábishuly Nazarbaevtyń tikeleı tapsyrmasymen sońǵy jyldary qazaqstannyń ǵylymı-zertteý ortalyqtary men JOO-da ulttyq zerthanalar ashylyp jatyr. Oǵan arnaıy qarjy bólindi. Minekeı, búgingi tehnıkalyq ýnıversıtettegi ashylyp otyrǵan sýper kompıýter ortalyǵyna da Elbasynyń tikeleı qamqorlyǵy sebepker bolyp otyr. Elbasymyzdyń aldyna qoıǵan úlken maqsaty - bizdiń ǵylym men bilimimizdiń halyqaralyq standarttarǵa saı bolýy. Osy oraıda biz, bilim, ǵylym salasyndaǵy qyzmetkerler birige otyryp bar kúshimizdi salýymyz qajet. Óıtkeni jahandyq bilim men ǵylym keńistiginen bizge syrt qalýǵa bolmaıdy», dep atap ótti óz sózinde mınıstr.
