Tehnıkalyq retteý jáne metrologııa salasyndaǵy memlekettik kórsetiletin qyzmet standarttary ózgertildi
ASTANA. QazAqparat - Bıznes úshin ákimshilik kedergilerdi azaıtý boıynsha berilgen tapsyrma sheńberinde Qazaqstan Respýblıkasy Investıtsııalar jáne damý mınıstrligimen memlekettik kórsetiletin qyzmet standarttary qaıta qaralyp, bekitildi.
Bul týraly vedomstvonyń baspasóz qyzmetinen habarlaıdy.
Kórsetiletin memlekettik qyzmet boıynsha ólshem quraldarynyń tıpin bekitý týraly sertıfıkat alý úshin qujattar toptamasy qysqartyldy (8-den 3-ke deıin), qyzmet kórsetý merzimi 20 jumys kúninen 15 jumys kúnine, metrologııalyq attestattaý týraly sertıfıkat alý úshin qujattar toptamasy 7-den 2-ge deıin, qyzmet kórsetý merzimi 20 kúnnen 15 jumys kúnine qysqartyldy, sonymen qatar memlekettik basqarý organdarynyń metrologııalyq qyzmetteriniń, jeke jáne zańdy tulǵalardyń qyzmetti júzege asyrý jónindegi normatıvtik qujattardy kelisý memlekettik kórsetiletin qyzmet merzimi 20 kúnnen 5 jumys kúnine deıin qysqartyldy.
Osy ózgerister 2015 jyldyń 5 qazanynda kúshine enedi.
Sonymen qatar, Qazaqstan Respýblıkasy Úkimetiniń qaýlysymen úsh memlekettik kórsetiletin qyzmetti (ólshem quraldarynyń tıpin bekitý týraly sertıfıkat berý, metrologııalyq attetattaý týraly sertıfıkat berý, sarapshy-aýdıtorlardy attestattaý) 2016 jyldan bastap Halyqqa qyzmet kórsetý ortalyqtary arqyly kórsetýdi kózdeıtin tolyqtyrýlar qabyldandy.
Búgingi kúni eki memlekettik kórsetiletin qyzmet (sarapshy-aýdıtorlardy attestattaý, memlekettik rámizderdi daıyndaýǵa arnalǵan lıtsenzııa berý) elektrondyq portal arqyly kórsetiledi, bul memlekettik qyzmetti alýshynyń jeke kabıneti arqyly júginip, memlekettik kórsetiletin qyzmet nátıjesin alýǵa múmkindik beredi.
Sonymen qatar, memlekettik kórsetiletin qyzmetti paıdalanýshylar úshin www.memst.kz saıtynda memlekettik kórsetiletin qyzmetterdiń tizbesi, ruqsat berý qujattarynyń pasporttary ornalastyrylǵan.
