Tehnıkalyq retteý komıteti EAEO aıasyndaǵy kúmándi sertıfıkattyń kúshin joıdy

ASTANA. QazAqparat – Tehnıkalyq retteý jáne metrologııa komıteti EAEO aıasynda qoldanylyp kelgen 191 kúmándi sertıfıkattyń Qazaqstan aýmaǵynda kúshin joıdy. Bul jaıynda komıtettiń alqa májilisinde vedomstvo basshysy Qýanysh Elikbaev málim etti, dep habarlaıdy QazAqparat tilshisi.

«Komıtettiń buıryǵymen zańsyz resimdelgen 191 sáıkestik sertıfıkatynyń/deklaratsııasynyń kúshi Qazaqstan aýmaǵynda joıyldy», - dedi komıtet tóraǵasy.

Vedomstvo mamandarynyń naqtylaý aqparaty boıynsha, áńgime Qyrǵyz Respýblıkasy arqyly ótkizilgen taýarlar men Qytaılyq ımport ónimderi týraly bolyp otyr. Onyń ishinde Qytaıdan ımporttalǵan oıynshyqtardyń sertıfıkattary men deklaratsııalary, turmystyq elektr buıymdarynyń sertıfkattary, ımporttyq tsementke qyrǵyzstandyq organdar bergen sertıfkattar, tamaq jáne parfıým-kosmetıka ónimderine berilgen sertıfıkattar bar kórinedi.

«Tekserý paraqtarynyń úlgisi qabyldandy. Tehnıkalyq reglamentterdiń búkil talaptary alǵash ret osy tekserý paraqtarynda kórinis taýyp otyr», - dedi Qýanysh Elikbaev.

Komıtettiń málimetine qaraǵanda, jańa redaktsııada attraktsıondar men balalardyń oıyn alańdaryna qoıylatyn qaýipsizdik tehnıkasynyń talaptary engizilgen.