Tehnıkalyq progress álemdi shapshań ózgeriske ushyratyp jatyr - D. Nazarbaeva
Búgin Astanada ótip jatqan Eýrazııa medıa forýmy barysynda sóz sóılegen Forýmnyń Uıymdastyrý komıtetiniń tóraıymy Darıǵa Nazarbaeva osylaı málimdedi.
Jıyndy ashyp sóz sóılegen tóraıym D. Nazarbaeva «ómirde jaqsylyq pen jamandyq qatar júretinin, al qazirgi kúni ony tipti bir-birinen ajyratý da múmkin bolmaı bara jatqanyn» aıtyp, soǵan qatysty mysaldy da alǵa tartty.
«Ótken seısenbide, Astanada túnniń jarymy bolǵanda «Assoshıeıted Press» agenttiginiń tvıtter-taspasynda Aq úıdegi eki joıqyn jarylystyń bolǵany, prezıdent Obamanyń jaralanǵany týraly shuǵyl habar taratyldy. Artynan bes mınýttyń ishinde agenttik ókilderi bunyń jalǵan ekenin, "Assoshıeıted Presstiń" tvıtter-akkaýnty qurtylyp, hakerlik shabýylǵa tap bolǵany týraly aqpardy joldady. Áıtse de, osy azǵantaı ýaqyttyń ózi "Doý Djons" ındeksiniń qysqa merzimdik (2 mınýttyq) jáne kúrt (13 tarmaqtan asa) quldyraýyna ákep soqtyratyn arandatýshylyqqa ulasty. Qas qaǵym sátte-aq ındeks 147 tarmaqqa qulap, jalpy naryqtyń qarjylandyrylýy baqandaı 200 mıllıard dollarǵa tómendedi. ıAǵnı, aqparat agenttiginiń tvıtterine bolǵan hakerlik shabýyldyń quny 200 mıılard dollarǵa biraq jetti. Álgi aqparattyń izin ala dollardyń ıenaǵa qatysty nyǵaıýy baıaýlap, al eýro kerisinshe amerıkalyq valıýtaǵa qatysty kúsheıdi», - deıdi D. Nazarbaeva.
Onyń aıtýynsha, «Assoshıeıted Press» agenttiginiń tvıtterine shabýyldy «Sırııa elektrondyq armııasy» hakerlik toby óz moınyna alǵan.
«Minekı, jańa tehnologııalardyń, aqparattyq revolıýtsııa men qazirgi halyqaralyq saıasattyń problemalary osylaısha qabysyp jatyr. Jaqsy ári kórnekti mysal. Tehnıkalyq progress shyn máninde álemdi shapshań ózgeriske ushyratyp jatyr. Alaıda, barlyq aqparatty ýysta, osy jerde jáne dál qazir ustaýǵa degen azǵyrýshylyqtyń arty úlken qaýipke ulasýy da múmkin, al erkin jáne ashyq habar almasý keı jaǵdaıda kıber-terrorısterdiń qolyndaǵy quralǵa da aınalyp jatyr», - dedi D. Nazarbaeva.
