Tehnıkalyq oqý oryndarynda bilim berý men óndiristik tájirıbeniń baılanysy úzilmeýi kerek
ASTANA. 1 naýryz. QazAqparat - Tehnıkalyq oqý oryndarynda bilim berý men óndiristik tájirıbeniń baılanysy úzilmeýi kerek. Búgin QR Parlamenti Senatynyń jalpy otyrysynda Úkimet basshysynyń atyna saýal joldaǵan senator Aqan Bıjanov osylaı málim etti.
«Elbasy N. Nazarbaevtyń bıylǵy Qazaqstan halqyna Joldaýynda qoıǵan basty maqsattardyń biri kásibı oqytý men qazaqstandyqtardyń jumysqa ornalasýyna járdemdesýdiń tıimdi júıesin jasaý bolyp tabylady. Osyǵan oraı, «Jumyspen qamtý» baǵdarlamasyn júzege asyrý sheńberinde joǵary tájirıbelik mamandardy daıarlaýǵa erekshe nazar aýdarý kerek. Alaıda, joǵary oqý oryndarynyń ujymdarymen kezdesýler barysynda, kóptegen joǵary jáne orta oqý oryndarynda stýdentterdiń tájirıbelik praktıkadan ótýde qıyndyqtarǵa tap bolatyndyǵy kóterildi», - dedi Aqan Bıjanov.
Onyń aıtýynsha, elimizde ásirese tehnıkalyq joǵary jáne orta oqý oryndary oqý protsesi barysynda stýdentterdi mamandyqtary boıynsha óndiristiń túrli salasynda tájirıbelik praktıkaǵa ornalastyrý qamtamasyz etilmeıdi. Al onsyz oqýdyń óndirispen baılanysy úziledi. «Budan bólek, óndiris basshylary oqý orynynan praktıkadan ótetin stýdentter úshin aqylaı tólem suraıtyny, ol bolmaǵan jaǵdaıda ótkizýden bas tartatyny belgili. Sol sebepten, praktıkaǵa óz betimen ornalasa almaǵan stýdent ýnıversıtet qabyrǵasyndaǵy kafedradan tájirıbeden ótýge májbúr», - deıdi senator.
