Tehnıkalyq mamandyqtar boıynsha qosymsha bilim berý qyzmeti múldem az - Tasmaǵambetov
ASTANA. QazAqparat - Tehnıkalyq mamandyqtar boıynsha qosymsha bilim berý qyzmeti múldem az. Bul týraly búgin 7-shi Azamattyq forýmda sóz sóılegen QR Premer-Mınıstriniń orynbasary Imanǵalı Tasmaǵambetov aıtty, dep habarlaıdy QazAqparat.
«Qazirgi ýaqytta álemde birinshi orynǵa qosymsha qabilet pen daǵdylardy qoıatyn túbegeıli transformatsııa júrýde. Búginde qýantarlyq jaıt, qosymsha bilim berý úlken suranysqa ıe bolyp otyr. Bir ǵana Astanada 271 damytý ortalyǵy jumys jasaıdy. Alaıda, robototehnıka, kompıýterlik baǵdarlamalaý jáne grafıka sııaqty tehnıkalyq mamandyqtar boıynsha qosymsha bilim berý qyzmeti múldem az bolyp otyr», - dedi vıtse-premer.
Imanǵalı Tasmaǵambetov Qazaqstanda, ásirese óńirlerde nıet bildirgender jańa bilim ala alatyn ózindik ashyq oqytý jáne tanymdyq resýrstar joqtyǵyna toqtaldy.
«Osy baǵyttaǵy jobalardy ázirleý óte tıimdi bolar edi dep sanaımyn», - dedi vıtse-premer.
