Tehnıkalyq baıqaý qujattary qolmen ózgertilip jatyr - mınıstr
ASTANA. QazAqparat - QR Indýstrııa jáne ınfraqurylymdyq damý mınıstri Jeńis Qasymbek biryńǵaı aqparattyq júıeniń tıimdiligin túsindirdi, dep habarlaıdy QazAqparat tilshisi.
«Oǵan birneshe memlekettik organnyń júıesi ıntegratsııalanady. Birinshiden, ol - jol polıtsııasy. Ekinshiden, aýyl sharýyshylyǵy mınıstrligi, bizdiń mınıstrlik jáne qorǵanys mınıstrligi. Myna úsh memlekettik organ kólik jáne tehnıkalyq baıqaý jumystarymen aınalysady», - dedi J.Qasymbek Parlament Májilisiniń plenarlyq otyrysynda.
Onyń aıtýynsha, tehnıkalyq baıqaýǵa arnalǵan tsıfrlyq júıeni engizý jumysy bastalyp ketti. Negizgi maqsat - jemqorlyqqa jol bermeý.
«Mysaly, tehnıkalyq baıqaýdan ótetin qujattar qolmen de ózgertilip jatyr. Endi, tsıfrlyq júıe iske asatyn bolsa, ondaı múmkindik bolmaıdy. Basqa da zań buzýshylyqtarǵa jol bermeımiz», - dep atap kórsetti J.Qasymbek.
Aıta keteıik, búgin QR Parlament Májilisiniń plenarlyq otyrysynda kólik máseleleri boıynsha keıbir zańnamalyq aktilerge ózgerister engizý týraly zań jobasy qaraldy. Osy oraıda spıker Nurlan Nyǵmatýlın jumys tobynda kóterilgen mańyzdy bir usynysty eske aldy. Sonyń aıasynda Qazaqstan joldarymen aýyr júkterdi bólip tasymaldaý mindeti engiziledi.
