Tehnıkalyq aqaýy bar ushaq Pavlodardan Astanaǵa ushpady
PAVLODAR. QazAqparat - «SCAT» avıa kompanııasynyń CRJ-200 ushaǵy Pavlodar áýejaıynda qaldy, áýe kemesi búgin 9:10-da elordaǵa ushýy tıis edi, dep habarlaıdy «QazAqparat» HAA tilshisi.
«SCAT» kompanııasynyń ushaǵy Pavlodardan Astanaǵa 9:10-da ushýy tıis edi, dep qońyraý shaldy Pavlodar áýejaıy. Alaıda, tehnıkalyq aqaý týyndap, ony retteıtin maman Pavlodardan tabylmady. Aqaýdy túzetý úshin búgin 14:15-te «Eır Astana» ushaǵymen Almatydan ınjenerler keledi.
«SCAT» avıakompanııasynyń ózi baspasóz paraǵyn ázirlep, resmı túrde habar taratty: «Pavlodar - Astana» baǵytyndaǵy «SCAT» áýe kompanııasynyń № 720 reısin ushar aldynda daıyndyqtan ótkizý kezinde qosymsha tehnıkalyq qyzmet qajet boldy. Osyǵan baılanysty, ushý ýaqytyn Astana ýaqytymen 15:30-ǵa aýystyrý týraly sheshim qabyldandy.
Barlyq jolaýshylarǵa habar berildi, zańǵa sáıkes olarǵa ystyq tamaq usynylady. Ushý ýaqytyndaǵy ózgerister týraly jolaýshylarǵa qosymsha habarlanady.
Keltirilgen yńǵaısyzdyqtar úshin avıakompanııa jolaýshylardan keshirim suraıdy jáne kompanııanyń jolaýshylar qaýipsizdigine beı-jaı qaramaıtyndyǵyn eskerip, túsinistikpen qaraýdy suraıdy».
