Tehnıkalyq retteý jáne metrologııa salasyndaǵy kásibı standarttar qaıta qaralmaq

ASTANA. KAZINFORM — Tehnıkalyq retteý jáne metrologııa komıtetiniń kásibı standarttar jónindegi salalyq keńesiniń kezekti otyrysynda salanyń ózekti máseleleri qaraldy. Bul týraly Saýda jáne ıntegratsııa mınıstrligi málim etti.

Jıynda birqatar kásibı standarttardy joıý, jańartý jáne mamandyqtar tizilimin ózektendirý týraly sheshimder qabyldandy. Sonymen qatar, kadrlarǵa suranys pen salanyń damý úrdisterine baılanysty keshendi taldaý júrgizý qajettiligi atap ótildi.

Jıynda kelesi máseleler qaraldy:

• «Standarttaýshy» jáne «Metrolog» mamandyqtary boıynsha bekitilgen kásibı standarttar;

• QR Ulttyq kásipkerler palatasynyń 2019 jylǵy 30 jeltoqsandaǵy №270 buıryǵymen bekitilgen «Lıftterdiń sáıkestigin rastaý» kásibı standarty;

• 2019 jylǵy 26 jeltoqsandaǵy №263 buıryǵymen bekitilgen «Sapa menedjmenti» kásibı standarty;

• Tehnıkalyq retteý jáne metrologııa salasyndaǵy kásipter tizilimi;

• Saladaǵy qazirgi jaǵdaı, kadrlarǵa degen qajettilik, negizgi problemalar jáne damý úrdisterin eskere otyryp keshendi taldaý júrgizý qajettiligi.

Otyrys qorytyndysy boıynsha mynadaı sheshimder qabyldandy:

• «Lıftterdiń sáıkestigin rastaý» kásibı standartyn kúshin joıý;

• «Sapa menedjmenti» kásibı standartyn ózektendirý (jańartý);

• Kásipter tizilimine jańa mamandyqtardy qosý arqyly ony jańartý:

  • Bas metrolog,

  • Ólshem birlikterin salystyryp tekserýshi,

  • Standarttaý jónindegi tehnıkalyq sarapshy.

Qazirgi ýaqytta «Sapa menedjmenti» kásibı standartyn jańartý maqsatynda jumys tobyn qurý boıynsha tıisti jumystar júrgizilip jatyr.

Aıta keteıik, Saýda jáne ıntegratsııa mınıstrligi Qazaqstanda syra, motor maıy syndy ónimder tańbalanatynyn málimdegen edi.