Tehnık baıqamaı zeńbirekpen quny $19 mln joıǵysh ushaqty atyp jiberdi
ASTANA. QazAqparat - Belgııa áskerı-áýe kúshteriniń «Florenn» avıabazasynda mehanık baıqaýsyzda áýe kemesi bortyndaǵy zeńbirekten F-16 joıǵysh ushaǵyn atyp jibergen. Saldarynan ol otqa orandy, dep jazady Business Insider.
Mehanık áýe kemesine tehnıkalyq qyzmet kórsetip jatqan jáne abaısyzda onyń 20-mıllımetrlik zeńbiregin iske qosyp jibergen. Ol quny 19 mln dollarlyq ushýǵa daıyndalyp jatqan joıǵysh ushaqqa dál tıip, joıyp jiberdi. Buǵan qosa janyndaǵy ushaqty da zaqymdaǵan.
Budan buryn Florenn avıabazasynda jarylys saldarynan General Dynamics kompanııasynyń F-16 ushaǵy otqa oranǵany jaıly 11 qazanda habarlanǵan bolatyn.
Koroldik qorǵanys mınıstrliginiń derekterinshe, oqys oqıǵadan eki tehnık zardap shekken.
Belgııanyń Ushý qaýipsizdigi jónindegi basqarmasy keleńsiz jaǵdaıǵa tekserý jumystaryn júrgizýde.
