Tehastyń bes jasar turǵyny anasyn qutqardy
ASTANA. QazAqparat - Portlendte (AQSh, Tehas shtaty) 34 jastaǵy Treısı Andervald aýladaǵy basseınde júzip júrgen, kenetten júregi ustap qalady.
Onyń qasynda bes jasar qyzy Ellıson júrgen. Qyz anasyn qutqarý úshin basseınge sekirgen.
Beınebaqylaý kamerasyndaǵy jazbadan sýdan tunshyǵyp qalmas úshin Ellısonnyń anasynyń basyn joǵary kótergenin jáne basseınniń syrtyna súıreýge tyrysqanyn kórýge bolady.
- Ol óte aýyr boldy, sondyqtan basyn ǵana kótere aldym, keıin basqalar da júgirip kelip, anamdy sýdan shyǵarýǵa kómektesti, - dedi Ellıson.
- Ellıson eki jarym jasynda júzýdi úırendi. Ol bizdiń kishkentaı batyrymyz, - dep málim etti qyzdyń anasy.
