Tehastyq otbasy 24 jylannan aman qaldy
ASTANA. QazAqparat - Amerıkalyq Tehas shtatynyń Abılın qalasyndaǵy turǵyn úılerdiń birinen ysyldaǵan ýly 24 jylan tabyldy, dep habarlady WFMY News 2.
Olardyń birin úıdegi bala baıqap qalǵan. Ol ájethanadaǵy belgisiz zattyń jylan ekenin bilip, ata-anasyn shaqyrǵan. Onyń anasy ózge ulyn kúrekke jumsap, jylannyń ysyldaǵysh ekenin anyqtaǵan. Ol baýyrymen jorǵalaýshyny kúrekpen uryp óltirdi, al otaǵasy Big Country Snake Removal turǵyn úılerdegi jylanmen kúres kompanııasyna habarlasqan.
«Men úıge kirgende-aq birneshe problemaly oryndardy baıqadym», - dedi Big Country Snake Removal mamany feısbýkte. Ol daýyldan qorǵanatyn baspanaǵa túsip, 13 ysyldaǵysh jylan tapqan. Buǵan qosa úıdiń astynan taǵy on baýyrymen jorǵalaýshyny ustaǵan. «Ájethanada ustalǵandy qosqanda, barlyǵy 24 jylan tabyldy», - dep jazdy ol.
