Tehastaǵy tornado alty adamnyń ómirin qıyp ketti
ASTANA. 17 mamyr. QazAqparat - Amerıkandyq Tehas shtatynda bolǵan birneshe tornado turǵyndardy ábigerge salyp, eleýli zııan shektirdi, dep habarlady ReporterUA.
Sherıf Rodjer Dıds eleýli zardap shekken adamdar bar ekenin aıtty. Biraq mert bolǵandardyń sanyn aıta almady. CNN alty adamnyń mert bolǵanyn aıtady, Dıdstiń aıtýynsha, taǵy 14 adam iz-tússiz joǵalǵandar qatarynda.
Grenberı eldi mekeninde ondaǵan úıdi túp ornymen qoparyp ketken. Klıbern eldi mekeniniń turǵyny Darren Baskestiń aıtýynsha, tornado úıdiń tóbesin julyp áketken, ushyp jatqan qırandylardan balalaryn matraspen qymtap qorǵap alyp qalǵan.
Teledıdar kadrlary aýdarylǵan júk mashınalaryn, tamyrymen julynǵan aǵashtardy, úzilgen elektr jelilerin kórsetýde. Keıbir aýdandarda túsken burshaqtyń kólemi beısbol dobynyń shamasyna jetken. Tehastyń 32 okrýginde daýyl turatyny eskertildi.
Ótken jylǵy naýryz aıynda 100-ge tarta tornado bolyp, 40-tan astam adam mert bolǵan edi. Daýyl AQSh-tyń ortalyǵy men ońtústiginde birneshe shtatqa eleýli zııan keltirgen bolatyn.
