Tehastaǵy tornado 110 ushaqty búldirdi
ASTANA. 5 sáýir. QazAqparat - Tehas shtatynyń Dallas áýejaıynda qala mańynda bolyp ótken birneshe tornado saldarynan júzden astaam ushaq búlinshilikke ushyrady. Bul týraly Associated Press habarlady.
Fort-Ýert áýejaıy ókilderiniń aıtýnsha, tornadomen birge iri burshaq jaýyp, áýejaıda turǵan 110 ushaqty búldirgen. Ushaqtardyń kópshiligi American Airlines jáne American Eagle kompanııalaryna tıesili.
Aýa raıynyń qolaısyzdyǵ saldarynan áýejaıda birneshe júzdegen reıster toqtatylǵan.
Ártúrli baǵalaýlar boıynsha, Dallas pen Fort-Ýert mańynda altydan 12-ge deıin joıqyn daýyl bolyp ótken. Tornado avtomobılder men tirkemelerdi áýege kóterip, úılerdiń tóbelerin julyp áketken.
Tornado saldarynan qaza bolǵandar týraly ázirge habarlanǵan joq. Degenmen 15 adam zardap shekkeni, olardyń ekeýi aýyr halde ekeni belgili.
AQSh-ta tornado maýsymy kóktemniń basynda jıi bolady. 2012 jylǵy naýryz aıynda bolǵan birneshe joıqyn daýyldyń saldarynan Ortalyq Batys shtattarda 40-qa jýyq adam qazaǵa ushyraǵan.
