Tehastaǵy sý tasqyny: qaza tapqandar sany artýda
ASTANA. QazAqparat - Harvı daýyly men sonyń saldarynan bolǵan Tehas shtatyndaǵy sý tasqynynan kem degende 30 adam qaza tapty. Bul týraly The New York Times jergilikti bılikke silteme jasap habarlady.
Harvı daýyly tolassyz jaýyn-shashyn alyp keldi. Sonyń saldarynan Hıýston shtatynyń basty qalasy sý astynda qaldy. Qazirgi tańda qala meriniń halyqty evakýatsııalaýǵa buıryq bermeı, tek turǵyndarda osy sharany eskertken áreketiniń durystyǵy tekserilýde. Qaýipsiz aımaqqa bes myń adam kóshirildi.
Korrespondent.net habarlaǵandaı, Harvı daýyly AQSh aýmaǵyndaǵy sońǵy 12 jyldyń ishindegi eń joıqyn jel sanalady. Eń sońǵy ret 2005 jyly bul elde asa qýatty Katrına daýyly soqqan bolatyn.
Tehas shtatyna AQSh prezıdenti Donald Tramp pen onyń jubaıy Melanıa keldi.
