Tehastaǵy saýda ortalyǵyndaǵy atys: 20 adam qaza taýyp, 24-i jaraqat aldy
NUR-SULTAN. QazAqparat – Amerıkanyń Tehas shtatynda El-Paso qalasyndaǵy saýda ortalyǵynda bolǵan atys saldarynan 20 adam qaza taýyp, 24-i jaraqat aldy, dep habarlaıdy QazAqparat BBC-ge silteme jasap.
Atys Walmart sýpermarketinde Cielo Vista Mall saýda ortalyǵyna jaqyn mańda bolǵan. Polıtsııa 21 jastaǵy er adamnyń ustalǵanyn habarlady. Bılik onyń atyn atamady, alaıda, BAQ deregi boıynsha, onyń esimi Patrık Krýsıýs. Qala polıtsııasynyń basshysy Greg Allen El-Pasodaǵy atys isi óshpendilikpen jasalǵan qylmys retinde qaralatyndyǵyn aıtty.
AQSh prezıdenti Donald Tramp Twitter-de qaza tapqandardyń otbasyna kóńil aıtyp, bul oqıǵany «tek qana qaıǵyly jaǵdaı dep emes, qorqaqtyq» dep atady.
Foto: © EPA-EFE/IVAN PIERRE AGUIRRE
